گزیده ای از اشعار چند شاعربلوچ:
1.مولابکش پیک2.مسلم ارجنگ3.عطاشاد4.بهادرنادری5.خ.گ
شعیب جمالزهی خاشی
آزْمانْ مَئ دلْ تــُنــّیگِـن پَه تــَـهی ارْسان
1.مولابکش پیک
2 .مسلم ارْجنگ
دل منی بُرْتـَگ اۏستـَئ اۏتاگا
گۏنْ زهیرانی شَهْپَرڃن شاگا
مَرْچی کـَهی زَهیرانی کـَلـَم سازنـْت
که یڃر کـَنـْتّ پَر سۏزڃن دلـَئ داگا
پاکڃن رضوان گۏن جنـَّتـَئ باگا
ڌهْل گـُرَّنـْت مان شهرو بازارا
گۏن دَپْ چَرو سرّۏکڃن شـَـپَئ لاگا
کس نـَزانـْت ساهَئ تانـْجوَئ بـِراگا
شپْ چراگ؛ رۏکِـنـْتّ شَهـْکهیرانی
گۏن دریهانا بۏنـْگری پاگا
رُکّل گـَمْناکِڃن دلا اَرْمان
بزَّگڃن مسلم گۏنْ دیدَگان ارْسِڃـن
چَه مَکـَّها کارنـْتّ مِهرَئ مِسْتاگا
3.عطاشاد:
دلـَئ بـِلـِّـتْ که دِلا رۏک بیتّ هزار چراگ
نبیتّ رۏچ یــڃ چَکـّاسَـئ شـَپْ پَه چارْ چـِراگ
من مُرْتـَگان پَه تــَهی مِهْرَئ ماهکانـَئ نۏد
مَه یار په مـَنــی ادیـرَهـا ، مَه یار چراگ
هُدۏکـَئ شَهْمْ هیالانی گِرَنـْد رُژنـَئ رۏک
چـِراگ دانـْکه یڃ کـَهْرڃن شَپـِنـْتّ تـَهارْ چـِراگ
نه بیت ما را ماں لـُنـْجڃن شـَپان پَکارْ چـِراگ
بازْ تـُنـّیگِـنـْتّ
« عطا » هماهِـنـْتّ مَنی رُژناهِـیَّـئ زنـْداپْ
هـَما که رَهْسَران بیتّ آسْگــُوار چــِراگ
4. بهادر نادری
آسمانا بـِچارْ
اِسْـتالْ دانـَگ دانگا آسمانـَئ چَه کـَپَگاهِنـْتّ
آسمانا بـِچارْ
آسمانـَئ دل کپـِّنـْتّ
هَنـْچۏ که مَنی دل
آ رۏچا که تـَوْ چَه مَنی چمـّا کــَپـْتـَئ
آسمانـَئ بـِچار
آسمانـَئ دل کپـِّـنـْتّ
5.خ.گ مبارکی:
آهی شـَرّ زانـْتّ
دلْ پَه آهی شیرکنڃن لـُنـْـ̈طانْ
بازْ تـُنـّیگِـنـْتّ
آ وَتْ شـَرّ زانـْتّ
مَنی چَمّ پَه آهی گِنـْدَگا کۏرنـْتّ و
مَنی دلْ مُرادیگِـنـْتّ
ماهِکانا وَتا سینـْگارْ کـُتـَگ
چَه دۏشی مَـنی دل مُرادیگین
نالِتـَگ، زارْ جَتـَگ من
گۏن وَتی ربّـا
ای ربّ پَرْچا مَنی کِسْمَتْ چـُشِـنـْتّ
بڃزار چَه زنـْدا بوتــَّگــُن
رۏچ و شَپْ مَنی کار
هِکـَّگ و گرڃوگِـنـْتّ!!
دل؛ مَنی تـَهارنـْتّ!!
مِهْر، هِچْ کـَسَئ مَنی دلا
نـَنِنـْدیتّ!!
نزانان مَنی مِهر چیِّـنـْتّ؟
مهر آور کیـِنـْتّ؟
من کــَهی مِهرا هُدۏکان؟
گـُلئ بۏ چیــِّـنـْتّ؟
بلبل پَرْچـِیا نالـیتّ؟
شعیب جمالزهی:
من بلوچـُـن و بلۏچ مَــئ افتخار مَــئ بلۏچان مردمانـڃ هـِزمکار
من بلۏچـُـن و بلۏچان استوار مَئ زُبان هر بلۏچـَئ افتخار
من بلۏچـُـن و بلۏچ مئ دل و جان مَئ بلۏچان مردمانِـڃ مهربان
من بلۏچـُـن و بلۏچ مَـئ جان و تن مَئ بلۏچستان منی مُلک و وطن
من بلۏچـُـن و بلۏچ مَـئ لاله زار مَئ بلۏچستان سرای سبزه زار
من بلۏچـُـن و بلۏچئ دۏستار هر وجب شـَه یڃ ڌگارَئ غمخـُوار
من بلۏچـُن و بلۏچانی دَوار مهرئ هـَنـْکڃنِن ودۏستڃنـَئ لوار
(من بلۏچـُـن و شه بلۏچ می انتظار متـّحد بوتـُّن گۏن هـَن تـَه رۏزگار)
من بلۏچـُـن و بلۏچی دردمند که نـَداران پشتِـبان شـَه هر گزند
من بلۏچـُـن و مَـئ بلۏچا فکرمند مئ بلۏچستان چۏ پڃشرَپْـتـِڃ بـِکــَنـْت
من بلۏچـُـن و بلۏچان استوار
مئ زبان پَر هر بلۏچـڃ افتخار
ایمیل: