الـفبای زبان بلوچی

مولوی عبدالحمید امام جمعه اهل سنّـت زاهدان حادثه ی  چابهاررامحکوم نمود

***********************

شعر:

من پَـرْ بلوچستانْ گــُـلِڃن

نالان چۏ مُـرْگِڃ بلبلڃن

اَرْسُن مان چمَّـنْـتّ گــُـلگــُـلڃن

 گـُـوارَگــَـنْـتّ چۏ تـُـرۏنْگــَلان

هَـنْچـۏ که بلبل پَرْ گـُلا

عاشِکْ پَـر آ  گلڃن شَکّلا

ناچی پَه سَوْت و زَیْمُلا

من پَرْ گِـیابِڃن مَکــُّران

بلبل گلئ عِشْکا زَریتّ

مجنون په لیلی تـَـلـْـوَسـیتّ

سَـسیّ پَه پُنّوها مِریتّ

من هَـنْ پَه لاشارَیْحْ  دَران

هَـنـْچۏ مرید پَرْ هانُکا

عزّتْ پَه ماهڃن مَیْـرُکا

شهدادْ پَه نازڃن مَهْـنـُکا

من هَـنْ پَه کِڃچَئ آپْسَران

عاشکْ بـِبـیـتـُّن یَکـْـبَرا

شیرینـَئ نازَهْکِڃن سَرا

من هـَنْ پَه سربازَئ شَمان

محمود سلطان مردَئ وَڗا

وُۏدا مان غزنینـَئ دَرا

چۏن بوتّ ایازَئ هاتِرا

من هَنْ پَه جالـْکــَـئ کـَـهْچَران

هَنـْچۏ که شاهَئ ذوالفقار

اسلامَئ واسْتا بڃ کــَـرار

بیتـَّگ مُدام در گیر و دار

من هَن چۏ تِڃسَـئ بلبلان

هَنـْچۏ که کـَمْبَرْ زَهْمْ جَنِڃن

دۏدا و بالاچْ مردْ وَڗَڃن

وُۏت همّلـَـت پُرْ تـَـوْکـَلڃن

چۏ دادشاه پُرْغیرتا

گِڃشتِـرْ پَه ننـْگ و کــُـنَّـتا

ڌکّ لـَگــِّـتـَگ گۏن دَوْلتا

من هَن پَه بــِنْـتـَئ نیلـّگا

کـَـوْل و کرارَئ دارَگا

لاشارو چانْپ و آهُران

کـَهْدڃم و زڃد وکـَهْچَران

پَهْرَنْـت په گنْجڃن مَکــُّران

پَـنّـۏچ و دلگانـَـئ کِـشار

گۏن شوهرانی گیرو دار

گۏنَـنْـتّ لطیفڃن چَمْ خُمار

زنـْدَئ تمامڃن جاوَڗان

بُمْپور و پَهْره پِــِـرَهْ گـُـوَرڃن

گۏن عالمان نامْ آوَرڃن

سانْـڌڃن سَران دانشوَرڃن

وَشَّـنْـتّ مانْ پڃشی بارَهان

واش و گِیابڃن زاهدان =واش:خاش

کۏها بـِگِـر دان که لـَـدان

سبزو چَراگــَـنْتّ هر زمان

سربازَئ دِلـْبۏدڃن دَمَگ

گۏنْ گــُوَرْم و بَگّ و رَمَگ

نامی زَرانِـنْـتّ هرکران

آ نیبّگ و وَشّڃن اَنار

زیتون و مۏزئ کِـشار

انبانی هـپْت رنگڃن نِگار

وۏمان کـَـنْـتّ دل هر دَمان

راسکْ مَـئ هزار گنجڃن وطن

جی باتْ تئی دشت و دَمَن

تئی باگ و باگات و چمن

یڃرَنْتّ تـَـئی بڃهَـئ نشان

بُرْزڃن بگابَـنْـدَئ دَران

گـُواتْکـَـشّئ سارْتڃن سَـرْزهان

کـُوَهْنڃن گِدار و کُه گـُوَران

باگِڃن کـَـسِرکــَـنْـدَئ بُگانْ

گۏن کـَهْن و آپ و نیبَّگانْ

مِڃتاپ و بست و کیلـّگانْ
  نڃکشهرَئ نڃکڃن سَرْوَران

دانشور و سانـْـڌِڃن سَران

مهمانْ نَوازڃن واجَهان

بنت و توتان و مُهْمَدان

تانْ کاروان و کِـبْـلـَهانْ

باگِڃن جَگینـَئ مِهْتـَران

آ بَلـَّک ودشت و نِگـُوَر

آ  کیر و بیر و سنـ̈طئ سَر

دانْ باهُوَئ چَتْرڃن چـِشانْ

جی مکّرانْ باگیچَهڃن

جی مئے گـُلڃن ڌیه و ڌگار

سبز آوَرڃن کشت و کِشار

جی باتْ تئی نام و تـَوارْ

باتئ نَمیرانْ درجهان

سرحدّا بـِگِر دانْ زِرْگـُـوَرا

سڃبی بــِگر دان گـُـوادَرا

هُزْدار دانْ  که رۏبارا

من گام په گام تئی نَـدْرْبان

من تئی سَرا کـَـوْلیگ بان

هَـنـْچۏ که هَنْـبۏهِڃن بهار

هنچۏ که نۏگــَجْگڃن چنار

هنچۏ که بانۏرڃن اَنار

باتئ مُداما گنگـُلان

دنیاهَئ چَهْر و گردشان

گۏن تـَـوْ مَدَت باتْ جَلّ وشانْ

گـُوارتْ مُدام تئی هَلـْکــَوانْ

اللهَـئ گـَـنْجڃن رحمتان

من مکرانـا سُـوالڃ کــُـتـَگْ

کــَئ چۏ تـَرا بَرا بدْحالْ کــُـتـَگ

تئی شوکتی پامال کتگ

شیرین و شهدڃن جاوَران

جی سرْبلندڃن مکران

کربان پَه تئی دشت ودَران

تئ بَنْدَرات و مَرْکـَـبان

جی مکــُّران جی باتْ تــَـرا

تـیّ مَیْزَرو مسکینْ دَرا

گنجڃن تــَیاب و ساوَڗا

تـَوْ همّلئ سبزڃن زرئ

گوهرام بُرزڃن خیبرۓ

میرانئ مُهْرڃن سنگرئ

تــَوْ زَهْم جنانی بُنْـدَرَۓ

سانڌانی کوهنڃن دپتـَرَئ

شڃرانی  هـَـنْکڃن و دَرَۓ

کـُوَهَـنْـتّ تئی رَزمی جوان

 دۏستئ مَنا جوابڃ بـِدَۓ

یا وَشّڃن مِسْتاگی بـِدَئ

یا گـَمْزَوَڃن حالڃ بـِدَئ

گِـنْدَۓ که چۏ لیمُرْتـَگان

کمْ زانـَگ و جَوْرین بَدان

بدواه و بَدڃن همساهَگئ

̈طکّ و درڃن بَدْ واهَگــَئ

نه که دِرچْکی ساهِگـئ

یکــِّـڃ بِـساساریتّ دَمان

بَدْواهْ پَـچڃ چُـش کـَـنـَئ

قهرئ شرابا نۏشْ کـَـنـَئ
حَکـّا پرامۏش کنـَۓ

رُۏکْ کـَـنۓ موجـِڃن دلان

بدواه دلا بیدار بـِکن

وابا دمانِڃ سارْ بـِکــَـن

هڃلانْ بدڃنانْ گارْ بــِکــَـن

تو مکــُّرانَئ پُسَّگــَۓ

میرڃن بلوچئ واهَگـَــئ

مَرْچی حکیم وُۏمان کـُتـَگ

زَپْتڃن زَهیران هارْ کـُتـَگ

بڃ پردگی کوکـّار کــُـتـَگ

ــــــــــــــــــــــــــــــــــــــــــــــــــــــــــــــــ

ليلو ليل كــَـنان بَچّـيگـا

ليلو ليل كنان يَچيگـا گِـهـْـتِـرڃن لـيلـُکـا پَــه تـَوْ سـازڃــنـان

ليلو ليل كنان بَچّـيگـا پَـه شــيـركِــنـڃـن گـالاں واپــِـڃــنـان

ليلو ليل كنان بَچّـيگـا تـَـئـى پــِت شُـت  ومَـن تـَـرا چــارڃـنان

ليلو ليل كنان بَچيگا گـُـوانْــزَگـا چِـَه تِــلاه سـاچــڃــنـان

ليلو ليل كنانْ بچيگا گــُلـڃ گـُـوانـْـزَگـا چَـنـْــڌڃــــنـان

ليلو ليل كنان بَچّـيگـا گـُـوانـْزَگـا پَـه دِرَچْـکِـڃ بَـنـْـدِڃـنـان

ليلو ليل كنان بَچّـيگـا بَچـّــيگـئ گـرڃـوَگـا ســَهْـڗڃــنـان

ليلو ليل كنان بَچّـيگـا سرْشــَپا دانـْکه بـانـْگواهـا نازڃــنـان

ليلو ليل كنان بَچّـيگـا پَـه چَــم رۏکـا شــيــرا وارڃـــنـان

ليلو ليل كنان بَچّـيگـا مـَنــى شِــڃــر و مَـــــزار رۏدڃـــنــان